توت على شوية دندنة

توت برى

"هممممممم كريز ولا فراوله " سؤال يطرح نفسه ؟
لو جيت تبص كده الفراوله انت متعود عليها و هيا متعوده عليك يعنى مش هتفاجئك عارف امتى تكون راضيه عنك وطعمها زى ما تكون حته من الجنه و امتى تكون بتلسع وتضايقك و هيا كمان عارفه مودك امتى تكون مضايق فما تحبكهاش وترخم عليك و امتى تكون بتعيش دور الضحيه فتفوقك 
يعنى الفراوله من الأخر فهماك انما من ناحيه تانيه الكريز حاجه جديده عليك خالص بتغريك انك تجربها و تعرف اسرارها خصوصا انه غامض بالنسبالك ممكن تنسجم اوى مع الكريز و تحبه ويحبك بس ممكن كمان تكتشف ان كل دا كان ف الفاضى وان انتو ما تنفعوش لبعض و كان احسن لو فضلت مع الفراوله بس الوقت هيكون خلاص فات
بس عارف الفكره ان مع حيرتك دى انت ممكن تروح بقى عشان تحيب الفراوله او الكريز بس تيجى تبص تلاقى مش معاك تجيب او اصلا هما مش موجودين و يطلع نصيبك فى التوت البرى و تعيش احلى مغامره ف حياتك .
------------------------------------------------------------------------------
دندنه


على كتف شباك الأمل
بقى محتمل امسك بإيدى حلمى
اللى لساله سنه يا دوبا و يكتمل
على بعد خطوه من هنا
يمكن ارسم غنا
يمكن يكونلى جناح يمامه صغننه
يمكن اعدى احزان كتير
و يغزلى جوا عيونه
طرحه من حرير
يمكن أطير
على بعد خطوه من هنا
يمكن يكون فى ايده فرشه ملونه
على صفحات حياتى يرسم دندنه
يحكينى ويرسمنى أنا
على بعد خطوه من هنا
يمكن اكون ف عيونه
ضحكه متمكنه
عدت كل ابوابه
الممكنه
يمكن بكل بساطه
اكون أنا 

The clock is ticking

Time to go , your flight to nowhere is leaving after a couple of moments , 
what will you do , will you leave this life and come , or what ?,
would you go and see the one you love to say goodbye to him or you don't have one ,
would you think of the past years of your happy , miserable , sad or crazy life ?
Do you remember those years when you were crying for something or someone
you thought that he was yours but he wasn't , you were just hopping for impossible ,
you should've moved on by now , he wasn't yours at the first place
coz if he was , he would've been next to you right now .
tell me how many times you followed others mind not yours ,
you never believed in yourself .and let others drove your car ,
you wasted a lot of time following .
you spend half of your life building your image and half of it
trying to get away from it but you couldn't
coz people see the image not the person behind that image .
you know all of us are just a memory that remains in people's mind ,
so what kind of memory are you ?
the one that never last or make a difference ,
or the one that stuck in people hearts , whenever you go you never gone
, coz you are living in every person met you , you are unforgettable , are you ?
well , well
what you gonna do ?
and you better think fast , the clock is ticking ..................
tic tic tic

الفرح راسم وشها

قابلت الحزن صدفه ماشى وماسك ف ايده الصبر

اتخضيت وجريت بسرعه حفرت للحزن قبر

و ف الضلمه لفيت وراه و طعنته بكل قوه وشر

و دفنته وبالتراب غطيته شبر شبر

بصيت لفوق لقيت الحزن بيقولى

يا حلو اللى انت دفنته دا كان الصبر

****************************

بيقول قال لسانك حصانك

و يكون فراوله ومانجه كمان عشانك

ولو يوم عملها وفكر وخانك

يا عم فكك هوا مين ف الخلق صانك

****************************

كان ويا ما كان وكان لدنيتنا الجميله الف وش

وش يخلى الناس بتضحك والتانى يخلى الناس تكش

انا كان كل حلمى يكون لى فيها و لو حتى عش

بصتلى الدنيا و قالتلى روح يا بنى هش

ما انا اصلى كنت غلبان ومن الحياه بنش

بس عرفت انك علشان تعيش لازم تدى للدنيا دى وش

***************************

صباح الخير على عيونك يا بيه

معلش حسنه دا انا محتاج جنيه

انا عندى ياما راح اقولك عليه

سبحانك يا ربى هوا الكدب بقى عاده فينا ولا ايه

***************************

اجرى و الحقلك مواصله و زنق و دوس

دا الواحد بقى راكب ولا كأنه ف كابوس

وعم الأسطى همه كله يلم الفلوس

و التباع بتاعه بيهين الزباين على وجه الخصوص

تيجى محطتك هتنزل وتنسى

و للوشوش كمان راح تبوس

***************************

كان نفسى اكون ف الحب استاذ و طالب

اعلمه واتعلم منه و امر الحب غالب

لحد ما وقعت فيه و من غير مطالب

لقيتنى يا ما خدت فيه م الناس مقالب

تبت و بقيت من بعيد لبعيد براقب

***************************

شفته وسط الزحمه واقف ضعيف

و الحزن راسم ملامحه على خفيف

و طيت عليه و قلت مالك

الدنيا لازم تاخد منك و انت برده للدنيا لازم تضيف

بص لفوق وقالى يا استاذ

انا كل ذنبى انى حاولت اعيش شريف

****************************

الفرح زى جناح يمامه راسم وشها

و مد ايديه لأمواجه البعيده هناك شدها

ضحكت كتير لحد ما الدموع سالت على خدها

حضنت جواها قلبى و قلوب الناس كلها

دى حبيبتى زى حباية الندى لو الف الدنيا ما الاقيش زيها

الحياه مع فنجان شاى

يااااااااااااااااااااااه اليوم دا كان حاجه كده
كان فى لسعة برد بس الهوا كان بيطبطب على خدودى بيقولى صباح الخير
و النفس اللى كنت باخده بيدخل ينعش كل حاجه حلوه جوايا
و الشمش برغم اننا ف الشتا و هيا مابتخرجش كتير الا ان ماهنش عليها
تخلف معادها معايا فجت و دفت قلبى و يدوب حضنتى و مشيت علطول
انا كنت مبسوطه اوى يمكن عشان الأيام دى بتيجى على سهوه فلازم
نكلبش فيها و ما تعديش مننا كده و لازم نحفرها جوانا عشان نمسح
بيها الأيام التانيه المغيمه.

********************

حياتنا عامله زى جورنال كبير بنقعد نقرأ غيرنا وهوا كمان بيقرأنا فيه
بتهمنا اوى العناوين الرئيسيه لكن التفاصيل ايه مش مهم
و بتشدنا اوى اخبار الحوادث لكن الأفراح ف ركن بعيد كده لواحدها
و دايما بنتمنى صورتنا تظهر ف الجورنال مش مهم هيتكتب تحتها ايه
المهم انها تظهر برغم انها بتتنسى واللى بيعلم هوا الكلام اللى عليها .

********************

الزمن دا عامل زى البحر لما تيجى مايته ع الشط يا اما بيمسح
حاجات قديمه يا اما بيظهر حاجات مستخبيه تحت الرمله
فى ناس اول ما تقابلها تحس انك مش عايز تعرفهم
و لما تعرفهم تكتشف ان ليهم جنحات ملايكه بس انت ما كنتش شايفها
و ناس تلاقى قلبك اول ما شافهم جرى وراح عليهم
و بعد كده يبقى هاين عليك لو كنت قطعت عليه الطريق
الزمن بيمسح الرمله عن كل الناس و اول الناس دى هيا انت .

********************

"بتحبى ………….؟" سؤال بتسأله كتير اليومين دول
مش معنى انى احيانا بضحك من غير سبب و احيانا ببقى طايره من السعاده .... انى بحب
و مش معنى انى بقيت بكتب اكتر من زمان او بستمتع باغنيه حب حلوه .... انى بحب

الفكره كلها انى بدأت أحبنى و اكتشفنى و اعرفنى بجد.. بس مش اكتر
و يا ريت كان جواب السؤالدا اه .. بس ساعتها معرفش شكلى هيبقى ايه .